اللهم صلي على محمد وعلى آل محمد كما صليت على إبراهيم وعلى آل إبراهيم وبارك علي محمد وعلى آل محمد كما باركت على إبراهيم وعلى آل إبراهيم إنك حميدٌ مجيد



Friday, June 1, 2007

لو حد والعياذ بالله اغمي عليه او فقد الوعي ادامي اعمله ايه؟

السلام عليكم ورحمه الله وبركاته
طبعا كرد علي العنوان من النداله اني اسيبه واجري ولا اقول انا مالي
ديني بيقولي اني لازم اساعده لاننا كالجسد الواحد اذا اشتكي منه عضو تداعي له سائر الجسد بالسهر والحمي زي ما حبيبي صلي الله عليه وسلم قال
ما علينا خلينا في الموضوع
اصل فعلا بتحصل ادامي كتير والاقي واحده اغمي عليها اعمل ايه ادي الخطوات اهه:-
طبعا اول حاجه :-ركبي بتسيب ورجلي بتبقي مش شيلاني دا اولا
ثانيا:- تفكيري بيتشل وانسي كل حاجه حتي نمرة الاسعاف
ثالثااذا ما كنش اولا :- اصرخ عشان حد يسمعني ويساعدني عشان هو بيبقي مخه لسه فيه
هههههههههه
طبعا دي الطريقه الخايبه بتاعتنا اللي لا تودي ولا تجيب
طبعا ما ينفعش لازم نتصرف بطريقه احسن من كده عشان فيه امراض والعياذ بالله لو ما لحقتهاش في اول ساعات من حدوثها يا الله السلامه زي الجلطه والنزيف
اعرف واحده اتشلت عشان اتاخرت عن علاج الجلطه وما علجتهاش في خلال 6 ساعات من حدوثها وقالت ما اروحش المستشفي اروح البيت الاول والحركات اللي انتوا عارفينها دي ولما اقتنعت وجابوا الدكتور كان فات المعاد
انا عارفه كله بقدر الله بس احنا لازم نعمل اللي علينا وناخد بالاسباب ولا ايه؟؟؟؟
فاتعلمت الطريقه الصح عشان اعملها وابقي اد الموقف
المغمي عليه شكله بيبقي وشه اصفر وفي عرق علي اورته(جبهته يعني
كمان تنفسه سريع وسطحي ونبضه ضعيف ورجله مش شايلاه لو كان واقف فبيقع ويغمي عليه
نحطه علي ظهره أو في ( وضع جالس) مع رفع رجليه لأعلى
نستعمل منبهات مثل القهوة أو الشاي إذا كان المصاب لسه في وعيه
في حالة الإغماء استعمل محلول النشادر مع تجنب اعطائه اى مشروب فى حالات فقدان الوعى تماما
وخلي بالك لحسن مرة واحده شربت النشادر لوحدة صاحبيتي وهي مغمي عليها كانت حتفقد النطق نهائي بلاش افتي بالله عليكو

No comments: