اللهم صلي على محمد وعلى آل محمد كما صليت على إبراهيم وعلى آل إبراهيم وبارك علي محمد وعلى آل محمد كما باركت على إبراهيم وعلى آل إبراهيم إنك حميدٌ مجيد



Friday, August 31, 2007

التطـــــــــور الطبيــــــــــــعى للأم


التطـــــــــور الطبيــــــــــــعى للأم

الملابس
الطفل الأول : تلبس هدوم الحمل من أول لما تعرف إنها حامل
الطفل الثاني:تحاول تلبس هدومها العادية لأطول فترة ممكنة
الطفل الثالث: هدوم الحمل هي هدومها العادية اليومية
الإعداد للطفل
الطفل الأول: كل دقيقة تغيير للطفل.. وتحاول تخلي ريحته حلوة
الطفل الثاني: كل ثلاث ساعات
الطفل الثالث: لما ريحته تطلع
القلق
الطفل الأول : من أول خبطة تجري عليه و تشيله
الطفل الثاني: تشيله لو حست أن خلاص فيه عربية حتخبطه
الطفل الثالث:أحسن..علشان تتربي... خلي العربية تدوسك
الأك
ل
الطفل الأول: ترمي أي حاجة تقع على الأرض
الطفل الثاني: تغسلها بشوية مية
الطفل الثالث:تمسحها فى هدومها
الفسح
الطفل الأول: الملاهي... المراجيح..النادي
الطفل الثاني: النادي
الطفل الثالث: السوق
الخروج
الطفل الأول: تسيبه مع أختها و تتصل تطمئن عليه كل خمس دقائق
الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه
الطفل الثالث: تسيبه مع أي حد.. مع تحذير بان محدش يتصل بيها إلا في حالة يكون في الموضوع دم
في البيت‎
الطفل الأول: كل دقيقة تتفرج على ابنها وهو نايم
الطفل الثاني: من وقت للتاني تتأكد إن الكلب مأكلش ذراع الولد
الطفل الثالث: تستخبى منهم على قد ما تقدر
لو بلع قرش
الطفل الأول: تطلب عمل أشعة للولد
الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ لأ؟‎
الطفل الثالث: تخصمه من مصروفه

6 comments:

طال الليل said...

طيب الحمد لله إنى لسة عايش أصل أخوك رابع إخواته
على فكرة نفس سيناريو الطفل الأول بيتكرر مع الحفيد
مع شوية توبيخ للأم الصغيرة



وجبة التدوينة دى تجمع الظرف مع كلام فى الجنب للمهملات من الأمهات يقوم عليهم تأنيب الضمير

سلمت يداك أختى الكريمة

عصفور المدينة said...

التدوينة دي جاءت في موعدها تمام حيث
اضطررت اليوم للسفر أنا وزوجتي مرتين
مرتين يا أستاذة في يوم واحد وتركنا الأولاد في المنزل هم الآن من التدريب
في كار حرب العصابات الذي يكفل لهم أن يجدوا ما يشغلهم لحين عودتي
ونسيتي حضرتك إن بعد كدة بيكون فيه معاونين من بقية التيم
أص التيم عندي معدي العدد اللي انت حطاه

ربيــع said...

الأول والتاني...الخ
حتى لو قل الاهتمام
بيتعبوا فينا

ربنا يدي امهات الدنيا الصحة والخير
:)

karamella said...

طال الليل

الحمد لله الرابع ولسه موجود
ربنا يبارك في عمرك
الحفيد دا بقي حاجه تانيه خالصخصوصا مع الاجداد
وتسلم لردك اخي

karamella said...

عصفورنا
ههههههههههههه
ما شاء الله
هو التيم عندك كامل العدد بالاحتياطي
ما شاء الله لا قوة الا بالله ربنا يباركلك فيهم ويرزقك برهم ويعز بيهم الاسلام
ويرزقنا مثلهم

karamella said...

ربيع
طبعا يتعبوا فيهم
امال هو دخول الجنه بالساهل كده
وربنا يبارك في كل الامهات