من تواضع لله رفعه
ما دام العبد يظن ان في الناس من هو شر منه فهو متكبر
والتواضع اللي نقصده انك ما تقابلش حد من الناس الا وتشوف انه له الفضل عليك ــ انه احسن مني يعني ـــ
وتقول في نفسك يمكن هو عند ربنا خير مني وارفع درجه
الشخص اللي ادامك
لو كان صغير قول لنفسك ده لسه ما عصاش ربنا لكن انا عصيته فهو خير مني
ولو كان كبير قول ده عبد ربنا واطاعه قبلي لانه اكبر مني فهو افضل مني
ولو كان عالما قول دا ربنا اعطاه ما لم ابلغ و نال ما لم انل وعلم ما جهلته انا وهو يعمل بعلمه فهو احسن مني
ولو كان جاهلا قول دا عصي ربنا بجهل وانا عصيته بعلم هو خير مني ولا ادري بم يختم لي وبم يختم له
ولو كان كافر قول لا اردي عسي ان يسلم فيختم له بخير عمل وعسي ان اكفر فيختم لي بسوء عمل الله اعلم
اللهم انا نسالك حسن الخاتمه ....... والثبات حتي الممات ...... اللهم مسكنا الاسلام حتي نلقاك عليه ..... اللهم توفني مسلما والحقني بالصالحين
وده اللي عمله الصحابه من تواضع مع انهم اكرم الخلق علي الله بعد رسول الله والانبياء وخير قرون هذه الامه فتلاقي سيدنا عمر ياخد بايد الصبي ويقول له ادع لي فانك لم تذنب بعد
11 comments:
كلامك صحيح ياخت كراميللا وفقك الله لكن طبعا من يملك هذه النفس ؟! إنهم أولئك السائرين على نهج النبيين والصالحين
هم اصحاب النفوس الكبيرة والقلوب العامرة بمعرفة الله المتوجهة إليه الراغبة فى رضوانه والساعية إلى جنته
لأن المتواضع هو من أدرك أنه لا يستقيم حال عبوديته مع كبر نفسه ولا يصلح له أن يجمع بين الرغبة فى عفو الله والتجبر على خلقه وإزدرائهم
التواضع سمة الكبار فعلا وخلقا والراسخين إيمانا والطبيبين قلبا
موضوعات حضرتك دوما تبعث الأمل فى حياة المثل
بارك الله فيك ونفع بك
أكرمكم الله
كلام جميل جدا كنت قد سمعته من احد مشايخنا الكرام
وانظري لتواضع الزهاد
بيقولك ايه
لقي زاهد زاهدا فقال له إني أحبك في الله
فقال له الاخر
لو تعلم عن نفسي ما أعلم منها لأبغضتني في الله
فقال له الأخر
لو علمت من نفسك ما تعلمه لكان شغلي لأصلاح عيوبي أكبر من اشتغالي بعيوبك
حخد فاهم حاجة
أكرمكم الله
معلشي نسيت أقولك حاجة
مجونتك تقيلة جدا جدا
وبتتعبني في التصفحة
ياريت تقللي الحاجات اللي في صفحة البداية
زي الصوتيات والصور الكتييييييير
كل ده بيتقل
ومدخل للهاكر
وربنا يكرمك ويحفظك
جزاك الله خيرا ومن علم قدر نفسه الحقيقية وشاهد منة الله عليه وسبقه بالإنعام سبحانه وعلم عيوب نفسه لم يستطل على أحد من خلق الله
طال الليل
اصحاب القلوب العامرة بمعرفة الله
اااه
اللهم اجعلنا منهم
اللهم انفعنا وانفع بنا واهدنا واهد بنا واجعلنا سببا لمن اهتدي
جزاك الله خيرا
==
طبيب مسلم
ادي الحب في الله
وانشغال الانسان باصلاح عيوبه مش زي حالاتنا بندور علي عيوب الناس
ولا حول ولا قوة الا بالله
يارب اكون فهمت حاجه
جزاك الله خيرا انا برده ملاحظه ان المدونه تقلت انا ما زودتش عليها حاجه جديده هي بس الصور في البوست لو هي المشكله
تششت
حشيلها
=========
عصفورنا
حقا وصدقا
بس تقول في مين
ربنا يهدي نفوسنا واعنا علي تقويمها
التواضع قوة وتحكم في النفس وميزة يحبها الاخرون في الإنسان
نسال الله ان نكون منهم
جزاك الله خيرا
المهاجر الي الله
من تواضع لله رفعه
صفه يحبها الناس
يحبها الله ورسوله
اللهم اجعلنا واياكم من المتواضعين اذله علي المؤمنين اعزة علي الكافرين لا يخافون في الله لومة لائم
السلام عليكم
اللهم ارزقنا جميعا التواضع لنتواضع
جزاكم الله خيرا
السلام عليكم كراميلا وحشتنى عامله ايه يارب تكونى بخير بجد من احسن الصفات اللى الانسان يتصف بيهم الحياء والتواضع رزقنا الله اياهم جزاكى الله خيرا على موضوعك الجميل
كارميلا
وحشتينى بجد ومفتقدة طالتك
طمنينا عليكى ارجو تكونى فى احسن حال
اللهم امين يارب العالمين
كرم مسلم
وعليكم السلام ورحمه الله
اللهم امين ارزقنا التواضع
واجعلنا اذله لعلي المؤمنين اعزة علي الكافرين
===
رفقتي
حبيبتي فعلا وحشتيني ووحشتوني كلكوا بس اعمل ايه وقتي بقي محدود وبوزعه ع الكل
لاهلك عليك حق ولنفسك عليك حق ولبدنك عليك حق وحق الجار وحق الصداقه وميت حق وحق الواحد عايز يقضيه والوقت محدود وضيق
الله المستعان
بس ع البال
Post a Comment